Стил, свадба, уживање... Столе Димитриевски покажа како го помина летото во кое се венча со Ирина во Скопје
За Столе Димитриевски ова лето ќе остане запаметено како едно од најубавите во неговиот живот.
Македонскиот репрезентативен голман на социјалните мрежи сподели серија фотографии од најзначајните моменти во изминатите неколку месеци – од безгрижните денови покрај море, до модните комбинации, свадбената прослава со сопругата Ирина и романтичниот меден месец во Италија.
Пред да го изговори судбоносното „да“, Столе уживаше во сончевите денови во Шпанија и Грција, а круна на летото беше свадбената прослава со Ирина, која се одржа во амбиентот на Шато Камник во Скопје.
По свеченоста, новиот брачен пар замина на меден месец во Палермо, Италија.
Столе ја запроси Ирина во август минатата година, а во ноември склучија граѓански брак во Валенсија.