Шест братчиња со години ја растеле косата за да ја донираат за перики за деца болни од рак

Шест браќа заедно со нивната мајка со години ја растеле косата, за на крај да ја донираат за перики на деца болни од рак кои ја изгубиле својата поради хемотерапијата. Добродушните момчиња претрпеле исмејување и задевање од своите врсници, само за да ја продолжат својата хумана мисија.

10-годишниот Андре, 8-годишните близнаци Силас и Емерсон и 5-годишните Херби, Рид и Декстер со мајка си Фиби ја донираа истрижаната коса во „Children with Hair Loss“, организација која обезбедува перики за деца кои ја изгубиле својата коса поради болест.

Во текот на годините, смелите момчиња биле исмејувани и нарекувани „девојчиња“, но не се откажале од својата цел.

„Денес, јас и моите ШЕСТ СИНОВИ ја дониравме нашата коса во Children with Hair Loss. Вкупно 5 метри донирана коса. Многу сум горда на моите момчиња. Тие беа задевани и исмејувани од сите, од нивните врсници, до возрасни личности... но тоа не ги спречи нив. Имаа цел и се придржуваа кон неа. Тие се прекрасен пример за нивната помала сестра“ – напиша мајката на Facebook.