Вини Харлоу е инспирација за многу девојки со витилиго. Токму таа ја мотивираше Шахад Салман да посака да ги направи првите чекори го модниот свет.
Девојката од Мека сега самоуверено ги покажува белите дамки на кожата предизвикани од витилиго и смело се обидува да придонесе кон промена на стереотипите за убавина.
Шахад вели: „Многу е важно да ги предизвикуваме стереотипите, но важно е и да имаме самодоверба. Тоа е една од моите најсилни страни. Многу ми помогна тоа што знаев дека можам да бидам инспирација за другите луѓе. Тука сум бидејќи не се откажав. Знаев каде ми е судено да бидам“.
Шахад позираше со својот идол Вини Харлоу за фотосесија за арапскиот „Вог“ во 2019 година. „Претходно не се чувствував добро во своја кожа и не го сакав мојот изглед. Вини Харлоу ми ја даде самодовербата да се борам. Ти благодарам што ми помогна да ги остварам соништата. Сакајте се себеси без оглед на сè“ – вели Шахад за Харлоу.
Денес, таа блеска во рекламни кампањи за познати брендови.
