Само една недела по венчавката, Џорџина ги посвои трите најголеми деца на Кристијано Роналдо

Само неколку дена по венчавката со Кристијано Роналдо, Џорџина Родригез направи уште еден голем чекор во нивниот семеен живот. 

Според информациите на португалските медиуми, избраничката на славниот фудбалер стана законски старател на неговите три најголеми деца – Кристијано Роналдо Џуниор и близнаците Ева Марија и Матео.

Роналдо има целосно старателство над 16-годишниот Кристијано Џуниор, чија биолошка мајка никогаш не беше јавно откриена, а 9-годишните близнаци Ева и Матео се родени со помош на сурогат-мајка.

Џорџина со години е исклучително блиска со децата на Роналдо, кои ги воспитува заедно со него.

Двојката има и две заеднички ќерки – Алана Мартина и Бела Есмералда, која имаше и брат-близнак кој, за жал, почина по раѓањето.

Веста доаѓа само околу една недела по интимната свадба на Џорџина и Роналдо во нивниот дом во Португалија. Парот, кој е заедно од 2016 година, се заколна на вечна љубов во присуство на своите деца.

Информацијата за посвојувањето на децата сè уште не е официјално потврдена ниту од Роналдо, ниту од Џорџина.