Свадба во тајност: Кристијано Роналдо се ожени со Џорџина Родригез по 10 години љубов и ги покажа бурмите
Кристијано Роналдо и Џорџина Родригез официјално запливаа во брачните води. 41-годишниот португалски фудбалер и 32-годишниот модел се венчаа на 11 август на интимна граѓанска церемонија во Кашкаиш, Португалија.
Според соопштението за јавноста, церемонијата била „приватен и интимен момент“, а на венчавката присуствувале нивните пет деца.
Роналдо ја потврди радосната вест и на социјалните мрежи, објавувајќи фотографија од нивните раце со бурми. Во описот кратко напиша:
„C❤️G“
Двојката за венчавката го избра 11 август, истиот датум кога пред една година Џорџина објави дека Роналдо ја побарал за сопруга. Имено, на 11 август 2025 година, таа го покажа импресивниот дијамантски веренички прстен и со романтична порака му кажа „да“ на својот долгогодишен партнер: „Да, сакам. Во овој и во сите мои животи.“
Љубовната приказна на Роналдо и Џорџина започна во 2017 година, кога таа работела како продавачка во бутик на Gucci.
Низ годините, двајцата изградија големо семејство. Заедно се грижат за пет деца: 16-годишниот Кристијано Џуниор, 9-годишните близнаци Ева Марија и Матео, 8-годишната Алана и 4-годишната Бела.
Во април 2022 година, двојката ја доживеа и најголемата семејна трагедија, кога при раѓањето почина Анхел, братчето близнак на Бела.
Во реалното шоу на Џорџина „I Am Georgina“, Роналдо се наврати на почетоците на нивната врска. Тој призна дека Џорџина му делувала како „многу интересна девојка, многу позрела за своите години“, но дека во почетокот не очекувал нивната романса да прерасне во толку силна љубов.
„На почетокот не мислев дека врската ќе биде толку силна, дека ќе се вљубам во неа. Искрено, не го очекував тоа. Но, по некое време, почувствував дека таа е жената на мојот живот“ - откри тој.
