„Раце полни љубов и среќа“: Горан Папаз со сопругата и поголемото синче пресреќни на роденденот на тројката

Горан Папаз и неговата сопруга Наташа го слават првиот роденден на тројката која ја добија на крајот на минатата година.

Македонскиот саксофонист и неговата сакана споделија фотографии од домашната фамилијарна прослава со Лена, Луна, Лазар, поголемото синче Дамиан и со нивните најблиски заедно со емотивна порака.

Една година од најубавиот ден во мојот живот - 3 нови, разиграни срциња во 3 минути 🤗🤗🤗❤️❤️❤️ СРЕЌЕН РОДЕНДЕН СОНЦИЊА НА МАМА И ТАТО, да сте ни секогаш здрави, среќни, разиграни, палавки и исполнети со љубов и прекрaсни луѓе околу вас ❤️❤️❤️ Ве сакаат мама, тато и бато до бесконечноста и назад 🥰🥰🥰

П.С. За мене вака изгледа “Раце полни љубов и среќа” 😇😇😇

Папаз пред еден месец за Фемина сподели дека тројката, родена предвреме и со силна борбеност од првиот ден, го променила секој аспект од неговото секојдневие, но пред сè, го зацврстила неговиот брак и му дала уште тројно љубов и трпение.

„Тројката нè возвиши и нè направи најгорди и најсреќни на цел свет. Бракот и пред да ни се родат Лена, Луна и Лазар ни беше жива хармонија, сега таа хармонија е само збогатена со нови три музичари“ – изјави Горан.