„Пред 13 години извади школка од морето во која скри прстен и ме запроси, денес сè уште ме изненадува“: Маја Андоновска за годишнината со сопругот Ице

И по повеќе од една деценија заедно, Маја Андоновска Илијевски сè уште добива романтични изненадувања од саканиот Ице.

Шармантната актерка и поранешна директорка на Центарот за култура во Битола сподели интересен момент на годишнината од нивната веридба.

Парот моментално е на одмор со синот Николај, а Ице одлучи да ја изненади Маја на сличен начин на кој и ја запроси. Еве ја нејзината порака:

„Пред 13 години на овој ден, извади школка од морето, во школката скрил прстен и ме запроси. Денес ми извади ракче... Важно после 13 години сè уште ме изненадува“ - напиша таа.

Маја сподели и албум со фотографии со текст посветен на прекрасните зајдисонца кои ѝ се омилени.

Во интервју за Фемина, Маја изјави дека местото на кое бега од динамичното секојдневие и на коешто го наоѓа сопствениот мир е покрај море, уживајќи во зајдисонцето.

„Местото каде бегам од сè, за да се сретнам со себе и сопствениот мир, да си го смирам пулсот кој скоро секогаш е во тахикардичен ритам, да си ги успорам мислите, да спијам без аларм... не е во Битола.

Се наоѓа покрај море, на 2 и пол часа возење од Битола, а таму седнувам на плажа, читам книги и уживам во најмагичните зајдисонца кои секогаш од почеток ме воодушевуваат. Таму сум без исклучок Маја без шминка, со бушава коса извиткана од морската сол, без гламурозна гардероба, а со душа и насмевка кои светат како сонцето...“ - изјави таа.