Повисок е од мајка си и наликува на Пике... Шакира со 13-годишниот син Милан на кошаркарски натпревар
Шакира се појави во друштво на поголемиот син во Мајами.
Популарната пејачка и 13-годишниот Милан присуствуваа на кошаркарскиот натпревар меѓу Детроит Пистонс и Мајами Хит.
За оваа пригода, тинејџерот избра лежерна комбинација од широка маица, фармерки и бели патики, која ја надополни со зелена капа со бели ѕвезди.
49-годишната колумбиска ѕвезда воодушеви во целосна тексас комбинација. Гордата мајка избра широка кошула со впечатлив дезен, тесни фармерки, високи чизми и црни очила за сонце.
На видеата и фотографиите од настанот, се гледа дека Милан веќе е неколку сантиметри повисок од мајка му, а и дека многу наликува на татко му Жерар Пике.
Покрај Милан, Шакира и Пике, го имаат и 11-годишниот син Саша. Тие беа заедно 11 години и раскинаа во 2022 година.
Поранешните партнери неодамна се сретнаа во Барселона, на судско рочиште на кое Шакира барала измени во договорот за старателство. Станува збор за делот кој се однесува на патувањата на децата меѓу Мајами, каде живеат со неа, и Барселона, каде живее нивниот татко.
Пејачката смета дека товарот од честите патувања не треба да паѓа единствено врз децата, па побарала Пике да доаѓа во Мајами за време на пократките училишни распусти.
Милан и Саша во 2023 година се појавија и во видео-записот на заедничката песна со нивната мајка, насловена Acróstico.