„Поп, три бебиња и ладна вода...“: Горан Папаз и Наташа на Илинден ги крстија трите деца во Охридското Езеро
Горан Папаз и неговата сопруга Наташа на најубав можен начин го одбележаа големиот празник Илинден. Нивните три деца Лена, Луна и Лазар ја примија христијанската вера, а радосниот семеен момент гордите родители го споделија на социјалните мрежи.
Популарниот музичар во духовит стил објави:
„Си биле: поп, три бебиња и ладна вода... не е почеток на виц. 😂 Лена, Луна и Лазар успешно го „поминаа тестот“ и веќе се крстени во водите на Охридското Езеро. Честито и среќна крштевка, души мамини и татини. ❤️“
На фотографиите, Горан и Наташа позираат и со синот Дамјан, како и со најблиските.
Говорејќи за животот по добивањето на тројка, Папаз во интервју за Фемина изјави:
„Тројката нè возвиши и нè направи најгорди и најсреќни на цел свет. Бракот и пред да ни се родат Лена, Луна и Лазар ни беше жива хармонија, сега таа хармонија е само збогатена со нови три музичари.“