„Помислив дека бебето е мртво“: Мајка се породи додека спиеше без да знае, акушерките го најдоа бебето под ќебиња

Замислете да се разбудите во болничкиот кревет и да сфатите дека веќе сте се породиле, без воопшто да почувствувате. Токму ова необично и по малку застрашувачко искуство го сподели 27-годишната Каролина Морено на ТикТок, а нејзината приказна брзо стана вирален хит.

Каролина, која живее во Канада и веќе е мајка на три деца, вели дека сè уште е „целосно трауматизирана“ од начинот на кој нејзиниот најмал син дошол на свет, но е благодарна што бебето е во добро здравје.

Сè започнало кога Каролина била примена во болница за индуцирано раѓање. Бидејќи претходните две раѓања и траеле долго, таа не очекувала дека работите ќе се одвиваат толку брзо. По примањето на епидурална анастезија, болките стивнале и Каролина цврсто заспала во собата, каде биле и нејзиниот сопруг, сестра и братучетка.

Додека таа спиела, дежурната медицинска сестра влегла во собата бидејќи алармот на мониторот сигнализирал дека не може да се лоцираат отчукувањата на срцето на бебето. Во првите неколку минути никој не паничел, со оглед на тоа што бебето претходно било многу активно.

Сепак, кога сестрата по неколку минути не успеала да го лоцира срцевото отчукување, Каролина се разбудила во паника.

„Кога се свртив на грб, сестрата ми го допре стомакот и рече дека изгледа некако чудно. Во тој момент, не знам зошто, едноставно помислив: моето бебе е мртво“ - раскажала Каролина за списанието PEOPLE.

Кога се обидела да ги помрдне нозете, Каролина почувствувала нешто чудно на креветот. Помислила дека станува збор за постелката, но кога медицинската сестра го кренала ќебето, следел шок, бебето лежало со лицето надолу под постелнината.

„Лежеше со лицето надолу и не плачеше. Ме фати огромна паника. Гледаш новороденче кое не плаче, а поминало неколку минути под ќебињата... Не мислев дека е живо“ - објаснила мајката.

Сестрата брзо го земала бебето и почнала да го трие за да заплаче. Сопругот на Каролина дури тогаш сфатил дека го пропуштил раѓањето.

За среќа, новороденчето набрзо заплакало. Каролина објаснува дека бебенцето едноставно спиело под ќебето.

ВИДЕО:

@carolina.moreno19 My epidural was DEFINITELY wayyyy too strong but thankful everything worked out. Also a big thank you to the amazing nurse I had. She was incredible #labor #birthstory #momsoftiktok #laboranddelivery #baby ♬ original sound - Carolina M |SAHM🩷🩵🩵

„Акушерката не ме породи, тој самиот се роди. Немавме поим дека излегол, па затоа и не можеа да му ги најдат отчукувањата на срцето, затоа што веќе не беше во мене!“ – дополнила Каролина.

Денес, нејзиниот син има 3 месеци и е во совршено здравје. Каролина низ насмевка вели дека неговиот карактер целосно го објаснува овој необичен настан. Тој е исклучително мирно бебе кое речиси никогаш не плаче, па затоа и раѓањето поминало во целосна тишина додека сите во собата спиеле.

@carolina.moreno19 These are the details to how I ended up sleeping through my sons birth. I know it sounds ideal but I’m still a bit sad I missed the moment he came into the world, I’m also sad we didn’t get to record it since my other two kids have their birth videos. I do think since he was sooo low and I already had so much pressure that when I fully dilated I probably didn’t feel much of a difference so it didn’t wake me up. Also I loved reading everyone else’s stories! So thank you for commenting your experiences🥰 #laboranddelivery #birthstory #MomsofTikTok #momof3 #baby ♬ Unraveling non-orthogonal trajectories - yasuhiro soda