Не можете да престанете да икате? Стапалата ве убиваат од болка? Ве нервира ‘рчењето на сопругот? Ве измачува главоболка? Еве неколку невообичаени домашни лекови кои медицинските експерти ги оценуваат како ефективни и полезни:
Проблем: тврдоглаво икање
Решение: шеќер
Никако не можете да престанете да икате? Ставете в уста 1-2 лажички шеќер, советуваат експертите. Гранулите од шеќерот го стимулираат нервот кој предизвикува контракции на дијафрагмата.
Шеќерот ќе ви помогне против досадното икање
Проблем: миризливи нозе
Решение: ракија
Натопете една крпа со ракија и со неа избришете ги нозете. Алкохолот од ракијата ја намалува влажноста која им овозможува на бактериите и габичките да растат и да се размножуваат.
Проблем: главоболка
Решение: дрвен молив
Голем процент од главоболките се причинети од напнатост и стрес. Кога сте вознемирени, несвесно ги стегате вилиците, а тоа ги оптоварува мускулите кои ги поврзуваат вилиците со слепоочниците. Резултатот е главоболка. Ставете дрвен молив меѓу забите, но не го гризете. Ваквата положба ќе ви помогне моментално да ги одморите мускулите на вилицата и со тоа ќе ја спречите или намалите главоболката.
Проблем: уморни стапала
Решение: тениско топче
Високите потпетици честопати предизвикуваат болки во стапалата. Ако барате начин да ја ублажите болката во вашите уморни стапала, ставете тениско топче под стапалото и движете го стапалото напред-назад. Така ќе си подарите релаксирачка масажа.
Проблем: ‘рчење
Решение: тениско топче
Овој мал трик можеби ќе ви изгледа смешен, но е еден од најефективните „третмани“ против ‘рчењето. Ставете тениско топче во отсечен џеб од стара облека и зашијте го на средината на грбот на тесна пижама. Топчето ќе ви оневозможи да лежите на грб додека спиете, а добро е познато дека луѓето најмногу ‘рчат кога спијат на грб.
Проблем: плускавици
Решение: раствор за плакнење на устата
Растворот со кој си ја освежувате устата пред спиење може да ви послужи и за лекување на болните плускавици. Натопете памучен тампон со средството и премачкувајте ги плускавиците трипати дневно додека не се исушат.
Проблем: исеченица
Решение: каранфилчиња
Имате мала исеченица и сакате да го спречите евентуалното инфицирање? Поросете малку каранфилчиња во прав врз раната. Каранфилчињата имаат антисептичко дејство, а освен тоа и ја намалуваат болката.
Проблем: мачнина при патување
Решение: маслинки
Мачнината при патување е проследена со лачење на поголемо количество плунка, која може да предизвика вртоглавица и гадење. Маслинките содржат супстанции кои ја сушат устата и го спречуваат гадењето.