Неповторлив предлог за брак: Дечко ја запроси саканата за време на соларната еклипса, стана хит
Соларната еклипса за еден пар ќе остане запаметена како редок небесен спектакл, но и како денот кога започна нивното заедничко поглавје.
За време на вчерашното затемнување на Сонцето, заљубениот дечко ја запроси својата сакана, приредувајќи ѝ изненадување кое сигурно ќе го памети засекогаш.
Додека небото над француското зимувалиште Вал Торенс во Савоја се затемнуваше, тој клекна на колено и го постави најважното прашање. Романтичниот момент, снимен од фотографот Аурел Турбо, веднаш привлече внимание на социјалните мрежи.
„Има моменти кои можат да се доживеат само еднаш“ - стои во објавата со фотографиите и видеото.
