Стефанија Милевска Враниќ ја промовираше својата најнова песна „Нема да молчам“ заедно со видеозапис.
Македонската пејачка е авторка на текстот, а музиката ја напиша заедно со Владимир Враниќ, кој стои и зад аранжманот.
„НЕМА ДА МОЛЧАМ“ е исповед, но и повик на будење. Текстот носи силна внатрешна трансформација — од вина, тврдоглавост и самоосудување, кон свесност, простување и лична храброст. Лирскиот субјект не се претставува како совршен, туку како човек што поминал низ сопствените грешки и научил дека молчењето не е мир, туку тивко прифаќање на лагата. Ова е песна за моментот кога човек конечно решава да биде искрен — прво со себе, а потоа и со светот. Ова не е песна за совршени луѓе, туку за сите нас што сме се криеле зад насмевки, молк и привиден баланс“ – појаснуваат од тимот на Стефанија.