„Не си чудна или различна. Ти си мајка“: Блогерка го покажа збрчканиот стомак за да ги инспирира мајките
Мајка на ШЕСТ деца го покажа вишокот кожа на стомакот за да испрати моќна порака до сите оние кои сметаат дека тоа е одвратно.
Шерни Кајсер и самата во минатото си го мразела телото затоа што тоа било покриено со стрии и вишок на кожа како резултат на бременостите. Но, таа научила да се сака себеси откако еден ден го слушнала својот сопруг како им раскажува на пријатели дека стриите се убави и дека се резултат на големата љубов на мајките кон своите деца.
Сега, Кајсер преку својот блог и социјалните мрежи цели да ги инспирира останатите мајки да си го сакаат телото и да се гордеат со него.
Еве ја нејзината порака:
„Како да се ослободам од мојата одвратна висната кожа?“ Секој ден го добиваме ова прашање. Секој ден. Еве го одговорот:
Можете оперативно да ја затегнете кожата на вашиот стомак исто како што можете со оперативен зафат да ги намалите или зголемите вашите гради.
Но, она што секогаш ме загрижува е зборот „одвратна“. Ве молам не го велете тоа. Кога вашата ќерка ќе ви роди внучиња дали ќе ѝ речете дека нејзиниот стомак е одвратен? Се разбира дека не, па престанете да си го велите тоа себеси.
Она што вие го КАЖУВАТЕ за себе, вашите деца ќе го МИСЛАТ за себе засекогаш.
Па, што е она што ќе ѝ го кажете на ќерка ви?
„Тој стомак беше првиот дом на твоето бебе. Тој го носеше, го топлеше, го смируваше и го хранеше. Кожата однадвор се растегнуваше. Исто како на СЕКОЈА МАЈКА НА ЗЕМЈАТА. Некои си го враќаат изгледот од претходно, но кај повеќето кожата останува висната.“ Твојот стомак не е одвратен, не е ниту чуден, ниту различен.
ТИ не си чудна или различна.
Ти си мајка.
Рамен стомак, растегнат стомак, висната кожа, затегната кожа, стрии, тетоважи, пирсинг, оперативно затегната кожа, лузни од царски рез... Не е важно како ти изгледа стомакот, тој е НЕВЕРОЈАТЕН!
Првиот дом на секоја личност било мајчиното стомаче. Нашата иднина 100% зависи од мајчиното стомаче. Тоа е ОГРОМНО нешто. Дефинитивно ова треба да биде најпрославуван дел од човечкото тело. Не градите, задникот или тестисите, тоа треба да биде мајчиното стомаче.
Еве како изгледала Шерни во минатото пред да го трансформира своето тело:
