Февруари е најкраткиот месец во годината, но астролошки гледано, ова е еден од најмоќните во 2026-та. Космосот притиска „ресет“ со ретки планетарни случувања и прстенесто затемнување на Сонцето (ануларна соларна еклипса) кое отвора нова ера.
Месецот започнува експлозивно со Полната Месечина во Лав на 1 февруари, која ги разгорува љубовните приказни и ја буди потребата да бидеме сакани и посакувани. Набргу потоа, на 4 февруари Уран преминува во директно движење, па буди застоени идеи и нè поттикнува да ги примениме лекциите кои со години ги учевме за сигурноста, парите и личната вредност.
Средината на месецот нè вовлекува во сензуална, магична магла. Под влијание на престојот на Меркур и Венера во Риби, зборовите ни се поетски, а љубовта понекогаш опасно опојна.
Со влегувањето на Сатурн во Овен на 14 февруари, започнува нов двегодишен циклус на лична одговорност, храбри одлуки и градење идентитет без извинувања.
Кулминацијата доаѓа со Младата Месечина и соларната еклипса во Водолија на 17 февруари. „Прстенот од оган“ носи време на слобода, бунт, брзи пресврти и живот по сопствени услови.
Февруари не нè прашува дали сме подготвени, тој едноставно нè повикува да скокнеме.
Најсреќни ќе бидат ВОДОЛИИТЕ и РИБИТЕ.
| Датум | Случување |
| 1 февруари | ☽ Настапува Полна месечина во Лав |
| 4 февруари | ♅ Уран преминува во директно движење во Бик |
| 6 февруари | ☿ Меркур влегува во Риби |
| 10 февруари | ♀ Венера влегува во Риби |
| 14 февруари | ♄ Сатурн влегува во Овен |
| 17 февруари | ☽ Настапува Млада Месечина во Водолија |
| 18 февруари | ☉ Сонцето влегува во Риби |
| 26 февруари | ☿ Меркур преминува во ретроградно движење во Риби |
Кликнете на вашиот хороскопски знак и дознајте како планетите ќе влијаат на вас овој месец: