Мартија Станојковиќ атрактивна гостинка на свадба неколку месеци откако раскина со дечкото
Мартија Станојковиќ со атрактивен изглед привлекуваше внимание на свадбена прослава месеци по раскинувањето со дечкото.
22-годишната македонска пејачка на Instagram сподели фотографии од сексапилниот изглед кој ѝ донесе бројни комплименти и на социјалните мрежи.
Елегантната тоалета со прерамки во небесно сина боја носи потпис на дизајнерката Матеа Драгишиќ. Фустанот со висок шлиц, кој имаше впечатливи везени црвени детали во долниот дел, ѝ се влечеше по земјата.
Мартија изгледот го надополни со минималистички накит и високи потпетици во слична нијанса.
Пред неколку месеци, Мартија потврди дека раскинала со своето момче Матеј Казаков со кого беше во врска три години.
Во претходно интервју за Фемина, Станојковиќ зборуваше за музиката, но и за својот моден стил.
„Сакам тренерки, широки и удобни парчиња, но ретко излегувам без шминка, тоа е навика што ја имам научено од мајка ми. На сцена е поизразено, но суштината е иста.“
„Пред сè, сите сме луѓе и нормално е некогаш да не изгледаме совршено. Не ми се допаѓа што на социјалните мрежи често се пласираат нереални верзии од себе, затоа што тоа создава погрешни очекувања. Поддржувам грижа за себе, секој треба да се труди да се чувствува и изгледа подобро, но мислам дека е многу важно да се задржи природната автентичност“ – рече Мартија.
