Луксузни настани, премиери, селфи со Шерон Стоун и Карла Бруни... Македонскиот фотограф BadStef гостин на Кански филмски фестивал

Македонскиот фотограф Стефан Соколовски деновиве е во Кан, каде присуствува на премиери и престижни настани кои се дел од Канскиот филмски фестивал.

Успешниот кумановец, познат како BadStef, беше меѓу гостите и на премиерата на филмот „Diamonds“ на легендарниот Енди Гарсија. Истата вечер, на црвениот тепих дефилираше и холивудската дива Шерон Стоун, со која BadStef имаше кратка средба и ја овековечи со селфи фотографија.

„Јас излегував кога Шерон влегуваше. Бев тука во вистинскиот момент, навистина сум во шок и јас. Само со мене се сликаше“ – изјави кратко за Фемина успешниот фотограф со интернационална кариера.

Неговата вечер продолжи во дружба со познати имиња, па така беше дел од лансирањето на новиот парфем на брендот „Kilian Paris“, од каде објави и видео од супермоделот Хајди Клум со нејзиниот сопруг Том Каулиц.

Вечерта ја заврши на журка на диџејот Блек Кофи.

Стеф и следните неколку дена ќе биде присутен на 79-тото издание на Канскиот филмски фестивал, од каде преку своите објави ќе пренесува дел од луксузот кој ретко кој може да го доживее. Претходно присуствуваше на филмската премиера на „El ser Querido", како и на луксузниот моден настан на Роберто Кавали, каде се фотографираше со светски познати личности, меѓу кои и модната инфлуенсерка Кијара Ферањи, поранешната прва дама на Франција Карла Бруни и моделите Сара Сампајо, Шанина Шајк и Тејлор Хил.

Само две недели претходно, талентираниот Македонец имаше можност да ужива и работи на елитниот Формула 1 викенд во Мајами, од каде сподели фотографии со Сијара и Синди Крафорд, а за ваквите „штипни ме - дали сонувам?“ ситуации, зборуваше и во интервју за Фемина.

Даница Караташова Илиоска / Femina.mk