Како холивудска дива: Тамара Тодевска во драматична црна креација настапи на „Lazarov Awards“

Само неколку часа по објавувањето на песната „Drama Queen“, Тамара Тодевска доминираше на доделувањето на „Lazarov Awards“ во Скопје. Покрај спектакуларниот настап со новиот сингл, 41-годишната пејачка се закити и со награда на манифестацијата.

За оваа свечена прилика, Тодевска избра драматичен црн фустан. Горниот дел од креацијата е изработен во форма на структуриран корсет со впечатливи вертикални линии, кој се прелева во волуменозен, раскошен долен дел со висок шлиц, внесувајќи дополнителна доза на сексапил и динамика при движењето.

Клучниот моден печат на овој стајлинг беа долгите црни ракавици, кои на целиот изглед му дадоа класичен холивудски шарм. Изгледот беше заокружен со минималистички, но ефектен накит и wet-look фризура, која дополнително го истакна нејзиното лице и моќниот вокален перформанс на сцената.