Хероина до последен здив: Наставничка загина штитејќи ги учениците во вооружениот напад во Турција

Наставничка го даде својот живот во обид да ги заштити учениците од вооружениот тинејџер во основното училиште „Ајсер Чалик“ во Кахраманмараш.

Ајла Кара почина како последица на прострелните рани кои ги доби додека се обидуваше да ги заштити своите ученици од 14-годишниот напаѓач.

Според информациите, храбрата наставничка веднаш реагирала кога ги слушнала истрелите и истрчала кон училницата, каде со сопственото тело ги штитела децата. Во тие моменти била погодена со куршуми од коишто починала на лице место.

Во нападот животот го загубија уште осум ученици, а повеќе од десет лица беа повредени.

Погребот на Ајла се одржа вчера, а нејзиниот сопруг Рамазан колабирал покрај ковчегот по што интервенирале медицински лица. За новинарите, Рамазан изјави дека се гордее со неговата сопруга.

Kahramanmaraş’ta öğrencilerini korurken hayatını kaybeden öğretmen Ayla Kara’nın eşi:

"Gurur duyuyorum. Hiç hesapta kitapta yoktu ama hayalleri vardı. Burayı çok severdi.

Buraya ev yaptıracaktık ama ancak mezarı geldi.”

pic.twitter.com/5nRethyrao

— Asayiş Berkemal (@asayisberkemal0) April 16, 2026

Кара зад себе остави три деца и неизмерна болка.