Турција во шок: Второ пукање во училиште за 48 часа, осмоодделенец уби осум ученици и наставничка

Турција е потресена откако за само два дена се случи втор вооружен напад во училиште. 

14-годишен ученик отворил оган врз ученици и наставници во две училници во основното училиште „Ајсер Чалик“ во Кахраманмараш, при кој загинале девет лица, осум ученици на возраст од 10 и 11 години и една наставничка. Во нападот биле повредени и 13 лица од кои 6 се на интензивна нега, а 3 се во критична состојба.

Напаѓачот користел оружје кое турските власти сметаат дека припаѓало на татко му, кој е поранешен полицаец и кој сега е уапсен. Во училиштето, тинејџерот пристигнал вооружен, а потоа влегол во две училници и почнал да пука. По нападот, си го одзел животот.

Снимките од местото на настанот се вознемирувачки. Ученици и наставници во паника се обидувале да избегаат, а дел од децата скокале и низ прозорци за да се спасат. Родителите веднаш се собрале пред училиштето, барајќи ги своите деца во страв и неизвесност.

🇹🇷 | Imágenes desgarradoras en Turquía: alumnos desesperados escapan por las ventanas durante un nuevo ataque armado en la escuela Ayşer Çalık.

Un estudiante abrió fuego, dejando un saldo de cuatro muertos y decenas de heridos.

Se trata del segundo tiroteo escolar en el país en… pic.twitter.com/Xh4LyrGzCi

— Alerta Mundial (@AlertaMundoNews) April 15, 2026

Полицијата соопшти дека тинејџерот на својата WhatsApp профилна фотографија го споменувал американскиот масовен убиец, Елиот Роџер.

„Првичните наоди од истрагата покажаа дека сторителот користел фотографија на својот WhatsApp профил која се поврзува со Елиот Роџер, кој изврши напад во Соединетите Американски Држави во 2014 година“ – се вели во соопштението.

Овој напад се случи по инцидент во средно училиште, во кој 17-годишен поранешен ученик рани 16 лица пред да изврши самоубиство.