Во Велика Британија има нов тренд кај домашните миленичиња. Откако веќе скоро сите ги подзаборавија мини прасенцата и слатките мали ежиња, сега се актуелни „ќелавите“ мачки од расата Сфинкс.
Иако повеќето луѓе сметаат дека се грди, цената на една ваква мачка достигнува и над 3500 евра, поради големата заинтересираност.
Овие мачки се идеални за луѓе коишто страдаат од астма или пак за оние на кои им е преку глава од непријатните влакна од крзното на обичните мачки.
Популарните „голи“ мачки бараат дополнителна нега во текот на летото, затоа што сонцето лесно може да им ја изгори кожата, а кога им е ладно сакаат друштво и се топлат од нивните сопственици или од други животни.
Сфинкс мачките се нешто помеѓу куче и мачка – многу се лојални и ако им фрлите предмет ќе ви го донесат назад, исто како што тоа го прават кучињата.