Откако заврши еуфоријата по октомврискиот хит – мини прасиња, декемвриски хит во Британија се мини ежињата.
Малите африкански ежиња се неверојатно слатки животни и можат да се најдат во различни бои. Поради огромната популарност, цената за купување на мини еже достига и над 200 фунти.
Љубителите на минијатурните ежиња ги избираат основно поради тоа што не бараат специјална грижа, имаат нестандарден изглед и се многу слатки.
Некои богати дами ги претворија слатките ежиња во модни додатоци и ги чуваат во своите чанти. Таквиот тренд предизвика остри реакции на заштитниците на животните. Тие сметаат дека промовирањето на малите ежиња како модни аксесоари е неодговорно.
Нивниот најголем страв е дека откако ќе заврши еуфоријата и се појави некој друг хит, луѓето ќе ги остават малите ежиња заборавајќи дека се живи суштества.