Кралицата Елизабета II, чие целосно име е Елизабета Александра Мери Виндзор, денес го слави својот 90. роденден.
По повод овој специјален ден, Бакингемската палата на Twitter објави три фотографии од кралицата, направени од реномираната фотографка Ени Либовиц.
По желба на Елизабета II, беше создаден семеен портрет, на кој таа позира со правнуците принцезата Шарлот и принцот Џорџ и уште пет млади членови од британското кралско семејство.
Одлево надесно: Џејмс, Висконт Северн, Леди Луиза Алис Елизабет Мери Маунтбатен Виндзор, Миа Тиндал, Кралицата Елизабета II, принцезата Шарлот, Савана Филипс, принцот Џорџ и Ајла Филипс
Шарлот и Џорџ се деца на војвотката Кетрин и принцот Вилијам, внук на Елизабета II и син на принцезата Дијана.
На втората, од серијата фотографии направени во замокот Виндзор, кралицата позира со својата ќерка, принцезата Ана.
Последната објавена фотографија ја прикажува кралицата со своите четири кучиња.
Вчера беше објавен фамилијарен портрет за кој позираа четири генерации од британското кралско семејство. Фотографијата од кралицата Елизабета II, принцот Чарлс, принцот Вилијам и принцот Џорџ била намената за создавање на серија од четири кралски поштенски марки.
Нејзиното Кралско Височество е најстариот монарх кој најдолго владеел со Обединетото Кралство во историјата.