Преслаба манекенка предизвика лавина од критики и алармираше дека се неопходни промени во стандардите за избор на менекенки, откако дефилираше на ревија за време на Модниот фестивал во Мелбурн.
Најголем дел од критиките беа упатени на име на еден од најпопуларните австралиски дизајнери, Алекс Пери, кој е креатор на црниот фустан во кој беше облечена девојката.
Настанот „Premium Runway 4“ се одржа во средата, во рамките на Модниот фестивал во Мелбурн што трае една недела, а на кој учествуваат повеќе од 200 дизајнери.
Пери објасни дека не бил вклучен во изборот на девојки за ревијата и дека слабата девојка воопшто не требала да учествува на настанот.
„За жал јас немам никаква врска со кастингот на тој настан. Претходно и јас имав избрано девојка која беше премногу слаба и ја презедов одговорноста за тоа. Знам дека направив грешка. Но, немам никаква врска со ова“ – рекол Пери, кој и во 2014 година привлече критики за изборот на преслабата манекенка Кеси Ван Ден Дунген, но јавно се извини за постапката.
„Кој и да е директор за кастинг и лицата кои се организатори на шоуто треба да кренат раце и да речат: Ова не е правилно. Сите сме одговорни за ова и дизајнерите и организаторите на настанот и модните агенции. Но, сите ја отфрлаат вината“ – вели Алекс и повикува на отворени дебати од страна на дизајнерите за изгледот на манекенките.
Алекс Пери
Франција минатата година направи голем чекор и со закон го забрани ангажирањето на манекенки чиј Индекс на телесна тежина (BMI) е под 18.