Оливија Палермо е ѕвездата во новата кампања на шпанскиот бренд за накит Carrera y Carrera. Девојката која со години освојува со својот беспрекорен стил, ја претстави колекцијата „Tesoros del Imperio“.
Елегантниот накит е инспириран од богатството на Шпанската Империја. „Сметам дека оваа колекција од Carrera y Carrera е апсолутно прекрасна. Дознав што беше инспирација пред една година и сега, кога го гледам крајниот продукт, многу сум задоволна... И прстените и обетките оваа сезона се многу носливи“ – изјавила Палермо, која и претходно има соработувано со познатиот бренд.
