ФОТО: Миранда Кер за Mango – пролет 2013

Миранда Кер е заштитно лице на Mango за сезоната пролет/лето 2013. Привлечната 29-годишна Австралијка позираше во модели од пролетната колекција на шпанскиот бренд, кој претходно има соработувано со ѕвезди како Скарлет Јохансон, Пенелопе Круз и Кејт Мос.

Новата колекција е изградена околу трендовите кои ќе владеат за време на топлата сезона. Црната и белата боја доминираат, а особено се истакнуваат преку црно-белите риги кои ќе бидат неодминлив моден хит.

Кратките блузички кои го отскриваат стомакот, широките панталони, комотните сакоа и искинатите фармерки си пронајдоа место во колекцијата со урбан шмек.

Соработката на Миранда и Mango беше најавена кон крајот на минатата година. „Mango е бренд кој го сакам. Секогаш ја пронаоѓаш совршената облека за секоја прилика“ – изјави тогаш Кер.