Ќерките на милијардерите не штедат пари на пазарот на недвижнини во САД. Во јуни оваа година 22-годишната Петра Еклстоун, ќерката на првиот човек на Формула 1, стана сопственичка на огромна „палата“ којашто ја нарекуваат и „најскапата куќа во САД“. Сега 22-годишната ќерка на рускиот милијардер Димитри Риболовлев си купи луксузен стан за рекордни 88 милиони долари.
Станот зафаќа повеќе од 600m2 и вклучува 10 соби, од кои 4 се спални соби.
Ќерката на Димитри, Екатерина, е студентка во САД, на факултет кој се чува во тајност, и според соопштението за јавноста, планирала да престојува во станот за време на нејзините посети во Њујорк. Таа е родена во Русија, но во изминативе 15 години има живеено во Монако и Швајцарија.
Нејзиниот татко е 93-тиот најбогат човек на светот според Форбс и неговото богатство се проценува на 9,5 милијарди долари.
Станот беше дом на банкарот Сенди Вејл, којшто вети дека приходите од продажбата ќе ги донира за добротворни цели.
