Куќата на мега популарниот покоен продуцент Арон Спелинг доби нов сопственик. Сопругата на Арон, Кенди Спелинг, ѝ го продала огромниот луксузен имот на 22-годишната Петра Еклстоун, ќерка на првиот човек на Формула 1.
Петра Еклстоун
Кога имотот бил ставен на продажба во 2009 година бил рангиран како најскапиот дом во Америка и проценет на 150 милиони долари.
Земајќи во предвид дека има повеќе од 100 соби, скали инспирирани од филмот Gone with the Wind, куглана, салон за убавина, 3 соби за завиткување на подароци (да, добро прочитавте) и за сечење на цвеќиња, паркинг за 100 автомобили, не е тешко да се поверува дека овој имот е најголемиот во Лос Анџелес.
Сè уште не се познати деталите од продажбата, но се верува дека Петра за овој луксуз платила „само“ 90,9 милиони долари.
Арон Спелинг се смета за еден од најуспешните продуценти, благодарение на ТВ-серии како „Beverly Hills 90210“, „Melrose Place“, и „Dynasty“.
Еве и интервју со Кенди од минатата година во кое таа признава дека не знае точно колку соби има во огромната куќа.
