Откако целиот свет ја обиколи веста дека Џенифер Лопез и Алекс Родригез се разделија, славната актерка и пејачка го даде првиот коментар за TMZ.
Лопез потврдува дека со Родригез имаат проблеми во врската, но и дека се обидуваат да ги разрешат.
„Сите вести се неточни. Работиме да надминеме некои нешта“ – рекла таа во кратка изјава.
51-годишната ѕвезда сподели момент од нејзин видео-разговор со ќерката Еми и нејзиниот поранешен сопруг Марк Ентони. На фотографијата, девојчето е во солзи во прегратката на Марк, а Лопез пишува: „Кога се тажни, но мама и тато се таму за нив“.
Лопез моментално снима филм во Доминиканска Република, додека Алекс е во Мајами, а нејзините деца престојуваат кај нивниот татко.
Наводно, Алекс премногу се зближил со телевизиската актерка Медисон ЛеКрој. По сè посилните шпекулации за нивна афера, таа изјави: „Тој никогаш физички не ја изневери неговата вереница со мене“. Но, исто така, откри пред јавноста дека тие многу често комуницираат преку телефон.
Џенифер и Алекс се заедно четири години и планираа да стапат во брак, но поради пандемијата, двапати ја одложија венчавката.
