Дијабетес и коронавирус: Совети и препораки од македонски стручни лица

Невообичаените услови на пандемија налагаат апсолутно секој од нас да биде екстремно претпазлив во однос на заштитата од новиот коронавирус кој ја предизвикува болеста КОВИД-19. Но, идентификувани се одредени групи луѓе за кои коронавирусот е многу посериозна закана и задолжително треба да бидат многу повнимателни.

Првичните истражувања и статистиките недвосмислено посочуваат дека дијабетичарите се една од ризичните категории. Важно е да се потенцира дека ризикот од заразување со SARS-CoV-2 не е поголем за дијабетичарите, но доколку се заболени, веројатноста кај нив да се јават компликации е поголема, особено во случаите кога дијабетесот не е контролиран.

Здружението на дијабетичари сними кратки видеа со совети од македонски стручни лица за да им помогне на сите кои се справуваат со дијабетес во сегашната ситуација.