По бумот кој го направи со „Лидија“, Јанг Дади останува на забавен терен и со новата песна која ја објави заедно со видеозапис.
Во спотот за „Син на мама“, младиот артист си бара девојка која мора да го помине филтерот наречен „мама“.
„СИН НА МАМА“
Љубовта е слепа... ама мама гледа сè.
Young Dadi има само една мисија - конечно да најде девојка што ќе ја преживее најтешката аудиција во животот: запознавање со мама. Но кога критериумите се невозможни, а мама секогаш е во право, љубовниот живот станува вистинска комедија.
Со доза на хумор, сатиричен приказ и впечатлива визуелна естетика, во „Син на мама“ преку хаотична игра исполнета со љубомора, смешни ситуации и невозможни стандарди, секоја кандидатка ИМА САМО ЕДНО ПРАШАЊЕ: дали ќе ја преживее мама? – стои во описот за спотот.
Видео
24-годишниот музичар на 12 септември ќе го одржи својот прв солистички концерт.