Young Dadi ја престави својата најнова песна „Лидија“ со спот што навидум изгледа едноставно, а докрај те остава да се прашуваш што точно се случува.
Целата приказна е „затворена“ во лифт. Вратите се отвораат, се менуваат лица, ситуации, енергии... Низ тие неколку минути поминуваат Сергеј Варошлија, Марија Јанчевска, Ема Камчевска, Филип Додевски, Александра Белчева, Сандра Камилоска, Александар Андевски, Андреј Костоски, Јаков Ристовски, Мартин Христов, Стефан Јевтиќ, Јордан Јосифов, Георги Георгиевски, Јована Ѓорѓиеска и Моника Бајлозова - како да секој носи дел од сложувалката, ама никој не ја составува.
А Young Dadi? Со витлери во косата, шарен стајлинг и став како да не му е гајле дали ќе го разберат, свесно си игра со вниманието.
Музиката и текстот се на Young Dadi, додека битот, аранжманот и миксот ги работи Andrejnik, со ко-продукција на Димитар Николов. Видеото го режира Илија Димкоски, кој стои и зад продукцијата и стајлингот, а визуелниот дел го води Борис Ралев.
Видео
