Д-р Данчо Шурков: DISE – прецизно откривање на причината за ‘рчењето и sleep apnea
Доколку имате гласно ‘рчење, прекини во дишењето за време на спиењето, будење со чувство на гушење, утринска главоболка или прекумерна поспаност во текот на денот, можно е да постои опструктивна sleep apnea.
Каде точно настанува блокадата на дишните патишта?
DISE (Drug-Induced Sleep Endoscopy) е современа дијагностичка процедура која овозможува да се види како се однесуваат дишните патишта во услови слични на природниот сон.
Како се изведува?
Пациентот лежи удобно и добива контролирана медикаментозна седација, со која се предизвикува состојба слична на спиење. Во текот на процедурата пациентот е под континуиран медицински мониторинг.
Со помош на тенок и флексибилен ендоскоп, кој внимателно се внесува низ носот, се прегледуваат горните дишни патишта додека пациентот спие.
На тој начин можеме да утврдиме:
- каде се јавува стеснувањето или колапсот
- дали проблемот е на ниво на мекото непце
- дали постои опструкција во пределот на јазикот
- каква е улогата на епиглотисот и останатите структури
- дали постои една или повеќе точки на опструкција
По завршувањето, пациентот се буди под медицински надзор и најчесто по краток период на опоравување може да си замине дома според проценката на медицинскиот тим.
Зошто е важна DISE?
Кај секој пациент sleep apnea не настанува на ист начин. Затоа е важно да се открие точното место и механизмот на опструкцијата.
Резултатите од DISE можат да помогнат при изборот на најсоодветниот третман – CPAP, орални апарати или соодветна хируршка терапија, зависно од наодот.
DISE – прецизна дијагноза, подобар избор на терапија, индивидуален пристап.
📞 За повеќе информации и закажување термин, контактирајте нè на 02 3091 484
Автор: Д-р Данчо Шурков, Специјалист по оториноларингологија
