Бруклин Бекам за првпат фотографиран со Никола Пелц откако побара од родителите да контактираат со него само преку адвокат

Бруклин Бекам и Никола Пелц за првпат се појавија во јавност откако тој испрати писмо до родителите Дејвид и Викторија да контактираат со него само преку адвокат.

26-годишниот Бруклин беше „уловен“ додека ја земаше својата сопруга од домот на нивни пријатели. 31-годишната актерка носеше црна заштитна маска со која си го криеше лицето.

Извор близок до парот споделил дека Бруклин го испратил писмото до родителите сакајќи да си го заштити менталното здравје. Наводно, објавите на социјалните мрежи во кои бил споменуван или означуван влијаеле негативно на него.

Бруклин имал намера приватно и подалеку од очите на јавноста да ги подобри односите со своето семејство. Друг извор запознаен со ситуацијата изјавил дека Бруклин смета дека родителите сè уште го гледале како дете, а не како возрасна личност и дека ги игнорирале неговите барања да не го споменуваат на социјалните мрежи.

Ситуацијата дополнително ја влоши тоа што неговата сопруга Никола ги избриша сите траги од семејството Бекам од нејзиниот Instagram профил.

Во јавноста веќе подолго време кружат информации дека односите меѓу Бруклин и неговите родители се заладени, особено по неговиот брак со актерката Никола Пелц. Британските таблоиди со месеци пишуваат за наводни несогласувања меѓу Викторија и снаата.

Наводно, несогласувањата се зголемиле по серијата изјави за неговата сопруга Никола Пелц во кои се велеше дека таа го држи како „заложник“ и дека го „контролира“.