Теа Трајковска имаше прекрасна авантура на Миконос.
Македонската пејачка на социјалните мрежи сподели фотографии од патувањето на егзотичниот грчкиот остров, каде ги наполни батериите пред новите музички ангажмани.
Теа позираше во атрактивни аутфити кои ѝ ја истакнуваат фигурата, а објавените кадри на популарната туристичка дестинација се како вистински разгледници.
Нашата музичарка на Instagram Story откри и дека била фасцинирана од тоа дека таму постојано, по цел ден дува ветер.
Во претходно интервју за Фемина, Теа зборуваше за новата музика и албумот кој наскоро ќе излезе, но и за најважната лекција која досега ја научила за себе.
„Дека не можеме да контролираме сè што ни се случува, но секогаш можеме да ја контролираме нашата реакција. Дали ќе продолжиме да се бориме за својата среќа, дури и кога изгледа невозможно, или ќе се предадеме и потонеме, тоа е избор што го правиме секој ден. И мислам дека токму во тие мали, секојдневни избори се крие најголемата сила“ – откри таа.
