„Ангелу мој“: Иван Милевски од „Ѕвездите на Гранд“ ѝ посвети песна на сопругата Сара со снимка од првиот свадбен танц
Иван Милевски ја претвори љубовта кон сопругата Сара во песна.
Македонскиот пејач, кој публиката го запозна преку музичкото шоу „Ѕвездите на Гранд“, објави нова песна со наслов „Ангелу мој“, посветена на жената со која неодамна стапи во брак.
Заедно со песната, Иван сподели и автентична снимка од нивниот прв свадбен танц.
„Ова е мојата искрена емоција претворена во песна, за мојата Сара. Наша приказна, нашиот прв танц. Снимката е директно од нашата свадба, онака искрено, без никакви преснимувања“ – напиша пејачот.
Во емотивните стихови Иван ја опишува љубовта кон Сара, но и желбата нивната семејна приказна еден ден да ја збогатат со дете.
„Те држам сега во бело
срцево мое е цело
уште една желба имам
како мајка да те видам“ – пее тој.
Иван и Сара направија гламурозна свадбена прослава, а меѓу музичките гости беше и Влатко Лозаноски. По свадбената веселба, младенците отпатуваа на Сејшелите на меден месец.
Љубовната приказна на парот доби ново поглавје кога тој ја запроси на романтичен начин на Малдиви.