Дац и Александар во кабаре-приказна со Славе Димитров: Нов спот за „Ѕма Ѕма Ѕм“ со Маја и Билјана

„Ѕма Ѕма Ѕм“ доби нова верзија како музички подарок за 80. роденден на Славе Димитров. Драган Спасов - Дац и Александар Митевски ја преработија песната на македонскиот композитор, а во изведбата со своите вокали им се придружија Маја Гроздановска Панчева и Билјана Ѓошева.

Песната, чија музика ја создаде Славе Димитров на текст од Иван Карадак, првпат ја изведе групата „Македонија“ на Скопскиот фестивал во 1978 година.

Новата песна е придружена со спот кој ги сместува учесниците во филмска кабаре-приказна, визуелно обликувана и со помош на AI алатки.

Дац и Александар, заедно со Маја и Билјана, ќе настапат како гости на претстојниот концерт во Македонската филхармонија во чест на 80-тиот роденден на Димитров.

Видео