Нема веќе сомневање – Џенифер Лопез и Бен Афлек се среќни во љубовна врска.
Славниот пар за првпат беше фотографиран како си разменува бакнежи на роденденска прослава на сестрата на Џеј Ло.
51-годишната актерка и пејачка и 48-годишниот актер си шепотеа и се прегрнуваа, покажувајќи дека нивното реобединување влегува во сериозни води.
Од видеото на Page Six се гледа дека на прославата беа присутни и близнаците на Лопез – Макс и Ема.
Ова не е прво љубовно поглавје на парот. Лопез и Афлек се верија во 2002 година, а во 2004 година и официјално раскинаа.
По нивната разделба, Џеј Ло беше во брак со Марк Антони, а годинава ја раскина свршувачката со Алекс Родригез. Афлек пак, беше венчан со Џенифер Гарнер до 2018 година.