Весна Петрушевска и Игор Џамбазов промовираа еколошка химна. Песната е изработена за телевизиската емисија „Агенда 21“ која има за цел да ja подигне свеста кај граѓаните за важноста на грижата за животната средина.
„Ѓубре, ѓубре, ѓубренце“ – е рефренот кој ќе го потпевнувате секојпат кога ќе ве изнервира граѓанската негрижа и ќе ве потсети дека промените можат да дојдат и од нас преку мали чекори во секојдневието. „Певлива, но во исто време и до коска реална, која целосно го отсликува ниското ниво на еколошка свест во државава“ – велат од КМК Продукција, кои го реализираа спотот.
Децата од спотот се ученици од Актерскатa школа на Весна Петрушевска, како и нивните поголеми другари - учениците од СУГС „Орце Николов“.
„Време е за еко промени!“ - додаваат од КМК продукција.
