Пред својот концерт во Сиднеј, Селена Гомез издвои време за да изненади свој голем фан. 23-годишната пејачка отиде во домот на обожавателката Софи исполнувајќи ѝ ја најголемата желба – да се запознае со својот идол.
Во видеото, додека Софи ја пее „Kill Em with Kindness“ снимајќи се со својот мобилен телефон, Селена влегува во собата и ја прегрнува. Среќната девојка не може да поверува што се случува токму во нејзиниот дом.
„Не можам да поверувам дека тоа се случи и дека таа оддели време за да ме посети“ – вели Софи со солзи во очите.
Заслужни за изненадувањето и организирањето на средбата се водителите Џеки и Кајл од австралиската радиостаница „KIIS 1065“.
