Жизел Бундхен ќе биде ѕвездата во новата рекламна кампања за легендарниот парфем Chanel N°5.
Француската модна куќа, која и досега има соработувано со најплатената манекенка, соопшти дека изборот паднал токму на Жизел поради „нејзината природна убавина и модерна женственост“.
Жизел во реклама за Chanel Les Beiges
Режисер на новиот моден проект ќе биде Баз Лурман, којшто стои зад гламурозните филмови „Romeo + Juliet“, „Moulin Rouge!“ и „The Great Gatsby“. Ако се земе предвид стремежот на Лурман кон раскош и екстраваганција, тогаш можеме да очекуваме незаборавна реклама.
Претходно заштитни лица на Chanel N°5 беа Мерилин Монро, Никол Кидман и Одри Тоту, а Бред Пит беше првиот маж кој го рекламираше култниот парфем.
