Жирафи, дизајнерски подароци... Фотографии од забавата на Кајли Џенер за претстојното раѓање на второто дете

Кајли Џенер им даде можност на фановите да ѕирнат во забавата организирана по повод раѓањето на нејзиното второ дете.

Гостите беа одведени во магична „џунгла“ со жирафи, свеќи и елементи во нежни бои за да прослават за претстојното доаѓање на овој свет на бебето на 24-годишната ѕвезда од „Keeping Up With the Kardashians“ и Тревис Скот.

Кајли беше облечена во бел припиен фустан кој го истакна нејзиното трудничко стомаче. Таа позираше и со мајка си Крис Џенер и баба си Мери Џо.

Џенер сподели фотографии од подароците добиени од пријателите и семејството на кои се гледаат производи од Диор. Секој од гостите доби персонализирано ќебе и мала жирафа.

Кајли и Тревис започнаа да се состануваат за време на Коачела во 2017 година, а во февруари 2018 година се роди нивната ќерка Сторми. Тие раскинаа во септември 2019 година, но две години подоцна објавија дека очекуваат второ дете.