Зимска радост во Унгарија: Поларни мечиња за првпат гледаат вистински снег и бескрајно му се радуваат

Поларните мечиња од зоолошката градина во унгарскиот град Њиреѓхаза станаа вистинска интернет-сензација и ги освоија срцата на луѓето ширум светот. 

Видео на кое мечињата безгрижно си играат во свежо наврнатиот снег за кратко време се прошири на социјалните мрежи и стана хит. Многумина го опишаа овој момент како „најслаткиот момент на неделата“.

На снимката, објавена од самата зоолошка градина, може да се видат младите поларни мечиња како трчаат, се тркалаат и се лизгаат по снежната подлога во своето живеалиште. Првиот вистински снег по подолго време им донесе огромна радост на поларните животни, а и им овозможи и искуство кое е најблиску до нивната природна средина.

Младенчињата се родени во ноември 2024 година.