Жените сами пресудија: не треба да се носат мини сукњи по 35-тата година, а бикини по 47-мата година од животот.
Ново истражување на британската компанија Diet Chef, во кое учествувале 2000 жени, покажало дека 47-мата година од животот е границата после која жените би се чувствувале непријатно да носат дводелни костими за капење.
Иако холивудските ѕвезди како Камерон Дијаз и Џенифер Лопез не се откажуваат од мини здолништата, истражувањето вели дека жените не би требало да носат многу кратки сукњи по 35-тата година.
Според резултатите од истражувањето, жените треба да престанат да носат кожни панталони кога ќе наполнат 34 и да не носат пирс на стомакот по 35-тата, проѕирни блузи по 40-тата, хеланки и UGG чизми по 45-тата, салонки по 51-вата година.
Кога станува збор за фризурата, анкетираните сметаат дека фризурата коњско опавче е несоодветна за жени над 51 година, а долгата коса за жени над 53 години.
Сепак, половината од учесничките се согласиле дека жените кои се слаби, здрави и привлечни во 50-тите и 60-тите години од животот можат да носат сè што ќе посакаат.
Од компанијата која го направила истражувањето се согласуваат дека изборот на соодветна облека е строго индивидуален и дека не мора да зависи од возраста.