Владо Јаневски замина во легендите. Македонскиот пејач издиша за последен пат на 65-годишна возраст.
Според неофицијални информации, популарниот музичар починал по кратко боледување, во една од клиниките во Скопје во којашто се лекувал.
Владо Јаневски има издадено 6 студиски албуми со големи хитови како „Ако не те сакам“, „Евергрин“, „Дома си е дома“, „И тогаш некоја будала“, „Некогаш и негде“, „Црно тиквешко“, „Ова е наше Скопје“, „Не зори зоро“, „Еден бакнеж“ итн.
Јаневки беше првиот официјален претставник на Македонија на Евровизија со песната „Не зори зоро“ во Бирмингем, 1998.
На крајот на 2023 и почетокот на 2024 година, тој одбележа три децении соло кариера со серија од пет распродадени концерти во Филхармонијата под наслов „Златни години – Најдоброто од Владо Јаневски“. Неговите традиционални летни настапи во Античкиот театар во Охрид (2024 и 2025 година) беа масовно посетени, а еден од последните негови јавни настапи беше во март 2026 година, како специјален гостин на концертот на Весна Писаровиќ во Скопје.
Неговиот следен концерт требаше да биде во август оваа година во Охрид.
