„Запознајте ја Прованса, како створена за романса“: Северина со совршени летни фотографии од Франција

Северина Вучковиќ уживаше во убавините на Прованса и покажа дека знае како да ги спои модата, патувањата и природната убавина во совршена летна инспирација.

Хрватската музичка ѕвезда сподели фотографии од посетата на еден од најромантичните краеви во Франција и ги одушеви фановите. Иако надвор температурите биле над 40 степени, Вучковиќ шармираше во модна комбинација идеална за летните денови.

„Запознајте ја Прованса, како создадена за романса“ – напиша Северина.

На фотографиите Северина позира во бело пред полиња со лаванда и историски камени градби, а ги посети и живописниот Горд, едно од најубавите села во Прованса.