Се разведе Владан од „Магла бенд“: Се расплака на првото слушање на песната „Криве дрине“
Владан Савиќ стави крај на бракот со Марија.
По две години брачна заедница, популарниот фронтмен на српската група „Магла бенд“ се разиде со својата сопруга.
Иако во јавноста веќе подолго време се шпекулираше за нивниот развод, двојката дури сега ја потврди веста, а деталите за разделбата ги задржа за себе.
„Сѐ што имав да кажам, кажав во песната 'Криве Дрине'“ - изјави за српските медиуми Савиќ, прашан за љубовниот живот.
„Криве Дрине“ излезе пред само три недели, а токму при првото слушање на нумерата во студио, Савиќ беше сниман како не може да се смири од плачење.
„Ма оди, најди некој, остави ме, што ќе ти се овие мои „криви дрини“... Нека ти го носи малиот моето име, пушти ме да те сакам од далечина“ - се пее во рефренот.
Марија пак ги потврди гласините за разводот.
„Точно е, но не би коментирала ништо понатаму, ниту би се огласувала на таа тема“ - изјави таа.
На најавата за песната „Криве дрине“, Влада во описот напиша:
„Постојат луѓе кои не престануваш да ги сакаш. Само сфаќаш дека повеќе не смееш да ги сакаш на истиот начин. Затоа што понекогаш љубовта не е доволна за некому да му бидеш добар. Понекогаш некого го сакаш, а немаш мир, сигурност или среќа коишто и двајцата ги заслужувате.
И тогаш го правиш она што ти е најтешко… Се повлекуваш. Прекинуваш нешто што најмногу би сакал да го чуваш до крајот на животот, иако знаеш дека потоа и самиот долго ќе ги собираш деловите од себе.
Затоа што љубовта не може да го поправи она што нè боли кога сме заедно.“
Љубовната приказна на Владан и Марија започна набрзо по неговата разделба со Јована Јоциќ, мајката на неговата ќерка Анѓелија. Пејачот во март 2024 година откри дека е заљубен, а само неколку месеци потоа направи веридба и голема венчавка на која им пееше Наташа Беквалац.
„Магла бенд“, предводен од Сaвиќ, е познат по големите регионални хитови како „Само се ночас појави“, „Непријатељ“, „Волиш ли ме“ и „Као жена дијамант“, а нивните концерти низ регионов се издвојуваат и по бројните специјални гости.