Замислете да живееме во свет без војни: Артист претвора трогателни фотографии во среќни илустрации

Илустрациите на Моршед Мишу ококоруваат и насолзуваат очи, но и прикажуваат како би изгледал светот без војни и насилство.

Талентираниот артист од Бангладеш ја подигнува свеста кај луѓето за последиците од војната и поттикнува на размислување преку неговите илустрации. Мишу претвора трогателни фотографии во среќни илустрации за да покаже дека сè би можело да биде поинаку.

Неговиот проект „The Global Happiness Challenge“ досега се состои од 10 негови дела, но тој планира да создаде уште 25-30. Негова цел е да предизвика промени. „Мојата цел е да ја распространам пораката за мир, позитивност и среќа низ целиот свет“ – вели тој.