Заљубени и среќни: Кајли Џенер и Тимоти Шаламе се бакнуваа на трибините на финалето на УС Опен

Кајли Џенер и Тимоти Шаламе беа дел од славните гости кои навиваа на финалето на УС Опен.

Додека Новак Ѓоковиќ и Данил Медведев си ги одмеруваа силите на теренот, новиот пар се прегрнуваше и бакнуваше на трибините. 25-годишната ѕвезда од „The Kardashians“ и 27-годишниот актер изгледаа заљубено и среќно заедно.

И двајцата носеа лежерни модни комбинации.

Кајли и Тимоти за првпат се појавија заедно на јавен настан пред една недела. Тие се забавуваа на концертот на Бијонсе во Лос Анџелес. Претходно, до јануари годинава, таа беше во врска со Тревис Скот со кого има две деца.