Завршија Летните олимписки игри. Во OMEGA House во Париз, се одржа специјална свеченост по повод на затворањето на спектакуларната спортска манифестација.
Меѓу гостите беа пријатели на брендот, вклучувајќи ја Аријана ДеБос, добитничката на Оскар за Најдобра актерка во споредна улога за „West Side Story“, Антони Поровски, еден од најдобро продаваните автори на New York Times, како и Диего Бонета – актер, продуцент и пејач, познат по филмот „Rock of Ages“.
Други значајни гости од амбасадорската фамилија на OMEGA беа неколку златни медалисти од овогодишната Олимпијада, како спринтерот Ноа Лајлс, скокачот во далечина Џордан Диаз, џудистката Романе Дико и пливачите Кејти Гримс и Грегорио Палтринаре. И актерката Карла Соуса беше присутна на настанот.
Вечерта беше и можност за спортистите од Олимписките Игри да се опуштат и да се забавуваат. Откако се натпреваруваа на највисоко ниво во текот на последните неколку недели, конечно најдоа време да уживаат во забавната париска атмосфера.
Во својот говор, претседателот и извршниот директор на OMEGA, Рајналд Ешлиман, рече: „Никогаш нема да ги заборавам овие Олимписки Игри и прекрасните моменти што ги споделивме во OMEGA House. Спортот беше неверојатен. Уживав да сведочам како OMEGA го мери времето во срцето на секој настан, но исто така и како Париз 2024 ги спои луѓето од целиот свет. Беше чест да ги дочекаме гостите и пријателите во OMEGA House од сите точки на глобусот.“
OMEGA House беше лоциран во Hôtel de Poulpry, Maison des Polytechniciens, само неколку чекори од Музејот Орсеј и ја славеше улогата на OMEGA како Официјален мерач на време на Олимписките и Параолимписките Игри Париз 2024.